Theme - 'Haadu'
Lyrics - K S Narasimha Swamy
Lyrics - K S Narasimha Swamy
Music - H Phalguna
Singers - Rameshchandra & M N Srikrupa
Link - http://www.kannadaaudio.com/Songs/Bhaavageethe/Nammoru-Chandavo-KS-Narasimha-Swamy/Endo-Kelida.ram
ನಾನು ವೀಣೆಗೆ ಕಲಿಸಿದೆ
ಅದನೆ ನೆನೆಯುತ ನೀನು ಹಾಡಲು
ನಾನು ಜೊತೆಗೂ ನುಡಿಸಿದೆ
ನೀನು ಹಾಡಿದೆ ನಾನು ನುಡಿಸಿದೆ
ಹಾಡೆ ಹಾದಿಯ ತೋರಿತು
ನಿನ್ನ ಕೊರಳಿಗೆ ನನ್ನ ಬೆರಳಿಗೆ
ಸಂಜೆ ಶುಭವನು ಕೋರಿತು
ನೀನು ಹಾಡಿದ ರಾಗದಿಂಪಿಗೆ
ತಳಿರ ತೂಗಿತು ಮಾಮರ
ದೂರ ದೂರಕೆ ಕೂಗಿ ಕೋಗಿಲೆ
ನವಿಲು ಬೀಸಿತು ಚಾಮರ
ಹಾಡು ಮೌನವ ಕಲಕಿ ಹಬ್ಬಿತು
ಮಂದಗಮನದ ಲಯದಲಿ
ಗೆಜ್ಜೆದನಿಗಳು ಕೇಳಿ ಬಂದವು
ಹಚ್ಚಹಸಿರಿನ ಬಯಲಲಿ
ಬಾಳ ನಲಿವೇ ಬಂದು ಹಾಡಿತು
ನಿನ್ನ ಬೆಳ್ಳಿಯ ದನಿಯಲಿ
ಬಣ್ಣ ಬಣ್ಣದ ಬೆಳಕು ಮೂಡಿತು
ಮಣ್ಣ ಹಣತೆಯ ತುಟಿಯಲಿ
ನೀನು ಹಾಡಿದೆ ನಾನು ನುಡಿಸಿದೆ
ಹಾಡು ಕರಗಿತು ಮೆಲ್ಲಗೆ
ಕಂಪ ಸೂಸಿತು ತಂಪು ಗಾಳಿಗೆ
ನಿನ್ನ ಹೆರಳಿನ ಮಲ್ಲಿಗೆ